Sjálfbær framtíð ferðaþjónustu

Key to Iceland er lifandi markaðstorg í ferðaþjónustu, byggt á íslensku hugviti og þróað af íslenskum frumkvöðlum. Markmið okkar er að efla sjálfbæra ferðaþjónustu með því að tengja ferðafólk við traust íslensk hótel og gististaði, veita aðgang að klæðskerasniðinni leiðsögn í gegnum gervigreind og tryggja að skatttekjur og virði haldist innanlands. Markaðstorgið verður aðgengilegt bæði á íslensku og ensku og mætir þannig þörfum innlendra sem erlendra notenda.

Leiðsögumaður í lófanum – Key to Iceland sameinar visku reyndustu leiðsögumanna og kraft gervigreindarinnar í ferðafélaga sem fer með þér hvert sem er. Ferðamenn njóta persónulegrar og staðbundinnar leiðsagnar í rauntíma, með innsýn, frásögnum og tillögum frá þeim sem þekkja landið best.

Með því að bregðast við breytilegu landslagi ferðalaga og vaxandi kröfum um sjálfbærni bjóðum við upp á ferskt, gagnsætt og samvinnumiðað viðskiptamódel sem hentar jafnt seljendum sem og ferðamönnum. Lausnin opnar dyr að alþjóðlegum markaði, eykur sýnileika og skapar raunveruleg vaxtartækifæri fyrir íslensk fyrirtæki.

Við leggjum ríka áherslu á ábyrga þróun ferðaþjónustunnar með markvissri dreifingu ferðamanna, bættri nýtingu innviða og dýpri, innihaldsríkari upplifun. Lokamarkmiðið er að ferðaþjónustan styrki bæði gesti og gestgjafa og skili varanlegu virði til íslensks samfélags.